Ағылшын тілінің мұғалімі

        Ағылшын тілінің мұғалімі

      Шетел тілін үйренуді неғұрлым ертерек   бастаса,  соғұрлым оны   игеру  табиғи

 түрде және жеңілдірек болатыны бәріне мәлім. Сондықтан, ағылшын  тілін оқуды кішкентай кезден бастау анағұрлым оңай және тиімді болады. Бала

мағлұматты жылдам жадында сақтайды және жақсырақ меңгеріп алады, дәлірек

айтқанда оны қағып алады. Үш-бес жастағы бала,   ересек адамдарға  қарағанда,миында  анағұрлым  көп ақпарат  сақтауға қабілетті екені ғылыми   тұрғыдан дәлелденген.   Өйткені балалардың  алдында  грамматиканың  түрлері   мен  үлгілерін   үйрену сияқты  мақсат  қойылмайды. 

Шетел тілін ертеден  оқи  бастау,  фонетикалық-фонематикалық есту қабілетінің дамуына  әсер  етеді, (дыбыстарды  айыру қабілеті,  оларды  тану сонымен  қатар  бұрмаланған  дыбыстарды бағалау), ол сөзді дұрыс айту мен

сауатты жазудың кепілі болып келеді.

         Сонымен  қатар, мектепке дейінгі жастағы балалар үшін ағылшын тілін үйрену жаңа танымдық қызықты жүйе.  Еркін түрдегі  нығайтушы ойындар, әндерді,  өлеңдерді,  ұйқас  өлең  жолдарын,  мақал-мәтелдерді     жаттау, ертегілердің  театрлық  қойылымдары, адам нанғысыз түрде баланың ой-өрісін кеңейтеді және көптеген басқа салаларда өзін-өзі көрсетуге мүмкіндік береді.

Әрбір ата-ана баласының қандай да бір жақтан дарынды  болғанын  қалар еді.  Шетел  тілдерін  үйренуге  қабілеттілік  дегеніміз – дарын,  бұл  сұраққа тиянақты қарасақ, оны ерте жастан дамытуға болады.